Представляємо Вашій увазі співаночки до дня Святого Миколая та Нового року від
поета – земляка Михайла Михайловича Чухрана.
Святий
Миколай
Миколай
велику ношу
Скоро
дітьом принесе!
Няньку,
мамко, я вас прошу -
Розкажіт про ми про сесе.
Бо приснило ся
вночи
Як співали,
летячи,
Ангели з самого
рая
Про сятого
Миколая!
Бабка з дідиком казали,
Што самі колись давно
Чисті чоботики клали
Увичирі на окно.
Коли спати вже
лягли,
То як знали,
як могли
Подарунки си
просили,
Миколаю ся
молили.
Діточок
на світі много,
Миколай
учує всіх,
Є
в угодника сятого
Для
дітий великий міх,
Там дарунки всім на диво,
Оби жили-сьте щасливо,
Ты, мала дїтинко, знай –
Тебе любит Миколай!
Заженіт нам Ангелика
У сись празник небеса!
Най дїтина невелика
Чує вість про чудеса
Уд угодника
сятого -
Ун їх робит
щедро й много!
Най то знают діти
всі
З
Пудкарпатської Русі!
__________________________
Чути в горах звук трембіти,
Гуслі
тай цимбали -
Миколая
малі діти
Вже
ся дочекали!
Миколай, Миколай!
Подарункы роздавай -
И солодкого, й
смачного
З свого міха чаровного!
Діти
мамці помагали,
Файно
ся учили,
Старых
людий честовали -
Дары
заслужили!
Миколай, Миколай!
Подарункы роздавай -
З свого міха чаровного
Чесним дітям дарів много!
Сніг
такий, што уйти з дому
Старшина
не радит,
Но
угоднику сятому
Тото
не повадит!
Миколай, Миколай!
Нам ушитким помагай!
Обы в радості уднині
Жили всі на Верховині!
Дєвонять,
дзвонять дзвоники!
Біжать
білі коники!
___________________________
«Новий Рÿк ся родит»
У далекі горы
Рÿк Старый удходит,
Новий Рóчок скоро
На світ ся народит!
Приспів:
Принесе ушиткі сам
Подарункы діточкам!
Рÿк Старый нам удклонився,
З дітьми доста наробився!
Новый Рÿк із неба
Спустився в Карпаты -
Туй радостно треба
Нам його стрічати!
Принесе ушиткі сам
Подарункы діточкам!
Рÿк Старый нам удклонився,
З дітьми доста наробився!
Біліє ялиця -
Сніг на ню ся сипле,
За носик, за лиця
Дітий студінь щипле.
Дітворі ж не студено –
Новый Рÿк уже давно
Мы чекали з пуднебесся
Й дораз розвеселимеся!
________________________
Миколай -3
(чекають и стрічають)
Тко везеся на санках,
З подарунками в руках?
Довга біла борода –
Миколай иде сюда!
Дзвоник чути здалекá,
Бо дорога не близькá,
Файну співанку співай –
Скоро прийде Миколай!
____________________________
Миколая в довгу путь
Білі коники везуть
Через студінь і зиму –
Поклонімся мы йому!
Дзвоник чути здалекá,
Бо дорога не близька,
Файну співанку співай –
Зараз прийде Миколай!
Миколай уже прийшов,
Сніг, мороз переборов,
Мы усі до єдного
Раді видіти його!
А дзвіночки дзень, дзелень
Миколай вже у дверей.
Файну співанку співай -
Вже є з нами Миколай!
.
Немає коментарів:
Дописати коментар